تحليل المنافسين لتطبيقات أمراض النبات – دراسة تجربة المستخدم

في المشروع ده أنا عملت Competitive Analysis لتطبيقات تشخيص أمراض النبات زي Plantix وBlossom وPlantNet، علشان أفهم السوق الحالي بشكل عملي مش نظري.
ركزت إني أحلل كل تطبيق من ناحية الـ core features زي تشخيص المرض، استخدام الكاميرا، والتوصيات العلاجية، وكمان بصيت على تجربة المستخدم من حيث سهولة الاستخدام، اللغة، وإمكانية الوصول.
عملت مقارنة واضحة بين التطبيقات في جوانب زي التعلم، الأدوات التعليمية، وإمكانيات التتبع، علشان أشوف إيه الموجود فعلاً وإيه الناقص.
اللي لاحظته إن كل التطبيقات تقريبًا مركزة على الاستخدام السريع (تصور النبتة وخلاص)، لكن مفيش أي اهتمام حقيقي بالطلاب أو بالتعلم الأكاديمي. مفيش أدوات تساعد على الفهم أو المذاكرة، ولا حتى إمكانية مقارنة الأمراض أو إدخال الأعراض يدويًا.
بناءً على ده، حددت فرص تصميم واضحة لتطبيق يركز على الطلبة، زي إضافة أدوات تعليمية (Quizzes وFlashcards)، ميزة مقارنة الأمراض، وإمكانية استخدام التطبيق بدون إنترنت في الحقل أو المعمل.